19 ліпеня прэзыдэнт ЗША Джо Байдэн і ягоная жонка Джыл Байдэн віталі першую лэдзі Украіны Алену Зяленскую ў Белым доме.
Алена Зяленская і Джо Байдэн
Байдэн сустрэў на вуліцы аўтамабіль жонкі ўкраінскага прэзыдэнта, пасьля чаго паднёс ёй кветкі.
Пасьля сустрэчы першыя лэдзі ЗША і Ўкраіны, і дэлегацыі дзьвюх краін пачалі перамовы.
Перамовы дэлегацый ЗША і Ўкраіны
Сёлета ў траўні Джыл Байдэн зьдзейсьніла нечаканы візыт ва Ўкраіну, дзе яна сустрэлася з Аленай Зелянскай і наведала школу, у якой знаходзілі прытулак украінцы, якія пакінулі свае дамы.
«Калі я вярнулася, я сказала, што нельга трапіць у зону баявых дзеяньняў і вярнуцца назад, не адчуўшы гора і боль людзей», — сказала Джыл Байдэн у пачатку іх сустрэчы.
Яна адзначыла, што працуе над тым, каб дапамагаць маці і дзецям, якія перажылі жахі вайны, вырашаць праблемы псыхічнага здароўя.
Паводле інфармацыі офіса сьпікера Палаты прадстаўнікоў Нэнсі Пэлосі, 20 ліпеня Зяленская павінна выступіць у Кангрэсе ЗША.
ГЛЯДЗІЦЕ ТАКСАМА: Алена Зяленская ўпершыню з пачатку вайны выехала з Украіны, яна знаходзіцца зь візытам у ЗША ГЛЯДЗІЦЕ ТАКСАМА: Першая лэдзі ЗША Джыл Байдэн наведала Ўкраіну