Пра гэта паведамляе тэлеканал France 24.
NFE дапаможа Катару павялічыць вытворчасьць звадкаванага прыроднага газу больш як на 60 працэнтаў да 2027 году, заявілі ў TotalEnergies. Угода дапаможа кампэнсаваць сыход кампаніі з Расеі.
Міністар энэргетыкі Катара Саад Шэрыда аль-Каабі паведаміў, што дзеяньне сумеснага прадпрыемства разьлічанае да 2054 году. Іншыя замежныя фірмы таксама набудуць долі ў NFE, але ніводная зь іх ня будзе большай, чым TotalEnergies, сказаў Каабі, не раскрыўшы назвы кампаній. Крыніцы ў галіне кажуць, што гаворка ідзе аб ExxonMobil, Shell і ConocoPhillips.
3 чэрвеня Эўразвяз прыняў шосты пакет санкцыяў у сувязі з расейскім уварваньнем на тэрыторыю Ўкраіны. Абмежаваньні прадугледжваюць частковае эмбарга на расейскую нафту. ЭЗ прыняў рашэньне адмовіцца ад імпарту расейскай нафты на працягу 6 месяцаў і ад імпарту нафтапрадуктаў на працягу 8 месяцаў. Эўрапейскія краіны цяпер шукаюць альтэрнатыўных пастаўшчыкоў энэргарэсурсаў.
ГЛЯДЗІЦЕ ТАКСАМА: Першы тур парлямэнцкіх выбараў у Францыі пакуль ня выявіў лідара