4 чэрвеня завяршаецца тэрмін дзеяньня выключэньня, якое дазваляла ўвозіць у Літву будаўнічыя матэрыялы зь Беларусі, што знаходзяцца пад санкцыямі ЭЗ. Аднак да гэтага часу былі спробы нелегальнага іх увозу, і ў Літве мяркуюць, што такія спробы будуць і ў будучыні, піша delfi.lt.
З 5 чэрвеня 2022 году ў Літву забаронены ўвоз беларускай драўніны, вырабаў зь яе, цэмэнту, жалеза, сталі, гумы для машын. Аднак прадстаўнік Мытнага дэпартамэнту Літва Лаўрынайцітэ-Грыгене кажа, што з пачатку сакавіка было зафіксавана каля 50 выпадкаў нелегальных спробаў увозу гэтых тавараў без дамоваў.
Кіраўнік Літоўскай будаўнічай асацыяцыі Далюс Гедвілас кажа, што не валодае зьвесткамі аб тым, ці возяць чальцы асацыяцыі будаўнічыя матэрыялы зь Беларусі: «Я думаю, закупак у Беларусі і Расеі няма, можа аптавікі прывозяць», — сказаў ён.
Паводле Гедвіласа, з пачаткам вайны ва Ўкраіне чальцы асацыяцыі прынялі спэцыяльную дэклярацыю і дамовіліся не купляць будаўнічыя матэрыялы ў краін-агрэсараў.
ГЛЯДЗІЦЕ ТАКСАМА: Літоўская чыгунка з чэрвеня спыніць перавозкі беларускай драўніны, гумы і мэталаў26 лютага міністар аховы навакольнага асяродзьдзя Літвы Сіманас Гентвілас падпісаў распараджэньне і скасаваў усе дзейныя сэртыфікаты расейскіх і беларускіх будаўнічых кампаній. Цяпер матэрыялы з гэтых краін нельга выкарыстоўваць у Літве, бо без сэртыфіката няма доказу якасьці прадукцыі, а пабудаваныя з такіх матэрыялаў дамы ня могуць прымаць, бо няма доказу якасьці будаўніцтва.
Аднак, Гаўронскіс прызнаў, што нягледзячы на жорсткія абмежаваньні шчыліны ў законе застаюцца — сэртыфікаваць беларускія матэрыялы могуць і іншыя ўстановы як у Літве, так і, напрыклад, у Польшчы, акрамя таго, ня ўсе тавары трапляюць пад санкцыі (да такіх тавараў адносяцца будаўнічыя блёкі, у іх няма цэмэнту).
У сакавіку Эўразьвяз забараніў экспартаваць прадукцыю дрэваапрацоўкі, вырабленую ці экспартуемую зь Беларусі. У Літве на скасаваньне дамоваў і выкананьне абавязацельстваў бізнэсу далі тры месяцы, пасьля 2 сакавіка нельга было заключаць новыя дамовы.
ГЛЯДЗІЦЕ ТАКСАМА: Беларусь і Расею пазбавілі права экспартаваць прадукцыю дрэваапрацоўкі ГЛЯДЗІЦЕ ТАКСАМА: Літоўская чыгунка з чэрвеня спыніць перавозкі беларускай драўніны, гумы і мэталаў ГЛЯДЗІЦЕ ТАКСАМА: Міністэрства лясной гаспадаркі Беларусі заявіла, што з-за санкцый перанакіруе сваю прадукцыю з Эўропы ў АзіюСанкцыі супраць Беларусі за падтрымку расейскай вайны ва Ўкраіне
Аляксандар Лукашэнка прызнаў, што зь Беларусі па ўкраінскай тэрыторыі стралялі ракетамі. Пры гэтым беларускіх вайскоўцаў на ўкраінскую тэрыторыю не адправілі.
Амбасадарка ЗША ў Беларусі Джулі Фішэр у інтэрвію Свабодзе заявіла, што «рэжым Лукашэнкі — саўдзельнік цяперашняга ўварваньня Расеі ва Ўкраіну, бо дазволіў Расеі зрабіць напад зь беларускай тэрыторыі».
26 лютага санкцыі супраць Расеі і Беларусі абвясьцілі Канада і Рада Эўразьвязу. У сьпіс трапілі 20 беларускіх чыноўнікаў і вайскоўцаў. 15 юрыдычных і 8 фізычных асобаў трапілі ў санкцыйны сьпіс ЗША.
28 лютага амбасадары краін Эўразьвязу ўвялі візавыя санкцыі ў дачыненьні 22 беларускіх высокапастаўленых асобаў.
Маладачанская фабрыка «МэбеЛайн» пайшла ў прастой, бо швэдзкая кампанія IKEA згарнула бізнэс у краіне. IKEA шчыльна супрацоўнічала яшчэ з цэлым шэрагам вытворцаў і фабрык, у тым ліку дзяржаўных. Сярод іх дзяржаўны «Менскі мэблевы цэнтар» з Маладэчна, магілёўскі вытворца тэкстылю «Магатэкс», менскі гадзіньнікавы завод «Луч» і іншыя.
У сакавіку Эўразьвяз забараніў экспартаваць прадукцыю дрэваапрацоўкі, вырабленую ў Беларусі ці экспартаваную зь яе. Міністэрства лясной гаспадаркі заявіла, што вымушана скіраваць прадукцыю з Эўропы ў Азію.
Празь цяжкасьці вядзеньня бізнэсу ў рэгіёне ня дзейнічаюць у краіне сэрвісы пошуку жытла на час падарожжаў і выправаў Booking.com і Airbnb.
Дацкая транпартна-лягістычная кампанія Maersk заявіла аб спыненьні перавозак грузаў у Беларусь 4 сакавіка. Пры сыход зь беларускага рынку паведамілі іншыя кампаніі падобнага профілю — DHL і FedEx.
5 сакавіка фінская кампанія OLVI паведаміла пра пачатак згортваньня свайго бізнэсу ў Беларусі, дзе кампаніі належыць «Лідзкае піва». 840 супрацоўнікаў заводу пакуль будуць атрымліваць заробак, спыненьне бізнэсу будзе паступовым.
6 сакавіка наклала санкцыі Рэспубліка Карэя. Там увялі меры экспартнага кантролю для Беларусі, мяркуючы, што яна «істотна спрыяе ўварваньню Расеі ва Ўкраіну».
8 сакавіка санкцыі ўвяла Японія. Актывы фізычных і юрыдычных асобаў, якія трапілі пад новыя абмежаваньні, замарожваюцца. Забараняюцца пастаўкі тавараў двайнога прызначэньня ў Беларусь і экспарт у адрас Міністэрства абароны Беларусі і «Інтэгралу».
Сусьветны банк спыніў усе праграмы ў Беларусі. Банк адзначыў, што ён не ўхваляў новых крэдытаў Беларусі з 2020 году.
Абмежаваньні закранулі спартовую галіну. Зборныя Беларусі розных узростаў адхілілі ад удзелу ў міжнародных турніраў у хакеі, гандболе і баскетболе. Беларускую зборную не дапусьцілі да Паралімпійскіх гульняў — 2022.
Рэйтынгавае агенцтва Fitch, зважаючы на санкцыі, панізіла доўгатэрміновы сувэрэнны крэдытны рэйтынг Беларусі да ССС, што азначае рэальную магчымасьць дэфолту.
Амэрыканская фінансавая кампанія American Express прыпыніла аказаньне паслуг у краіне. Па яе картках цяпер немагчымыя ніякія апэрацыі.
9 сакавіка Эўразьвяз ухваліў адключэньне ад SWIFT трох беларускіх банкаў. Гэта «Белаграпрамбанк», банк «Дабрабыт» і Банк разьвіцьця.
16 красавіка ўведзена поўная забарона на перасячэньне грузавым транспартам Беларусі і Расеі мяжы з ЭЗ. У рашэньні Эўразьвязу, якое апублікавана ў афіцыйным часопісе, сказана, што ЭЗ у адпаведнасьці з уведзенымі санкцыямі забараняе ўвоз і транзыт грузаў аўтатранспартам зь Беларусі і Расеі на тэрыторыю Эўразьвязу.
22 лістапада Канада пашырыла ранейшыя санкцыі. У сьпісы ўключылі дадаткова 22 беларускіх чыноўнікаў, а таксама 16 беларускіх кампаніяў, зьвязаных з ВПК, машынабудаваньнем, фінансавым сэктарам і чыгуначным транспартам. Сярод падсанкцыйных асобаў апынуліся адказныя за перавозкі расейскіх вайскоўцаў і тэхнікі, якая выкарыстоўвалася для ўварваньня ва Ўкраіну. У сьпісе кампаніяў, якія трапілі пад санкцыі, апынуліся беларускія Альфа-Банк і МТБанк. У красавіку 2023 у сьпіс дадалі яшчэ 9 беларускіх банкаў.
28 студзеня 2023 году прэзыдэнт Украіны ўвёў у дзеяньне рашэньне Рады нацыянальнай бясьпекі і абароны аб санкцыях супраць 185 юрыдычных і фізычных асоб, якіх Расея выкарыстоўвае для перавозкі па чыгунцы асабовага складу і вайсковай тэхнікі. У сьпіс трапілі «Беларуськалій», Гомельскі хімічны завод, «Беларуская чыгунка», «Белінтэртранс», «Грузавая служба-Захад», «Лякафарба», «Белгазпрамбанк», «ПЛМ-Інавацыі», «Кронаспан ОСБ», «Беллесэкспарт», «Супрацоўніцтва Транс-Агра», «Рэал-Агент», «Прамагралізінг», «АСБЛізінг», «Транзыт-Аўта-2003», «Ізатэрмічная лягістыка», «Омск-Карбон Магілёў» і іншыя.
20 ліпеня Аўстралія ўнесла ў санкцыйныя сьпісы высокапастаўленых вайскоўцаў Беларусі.