Дата дня
3 чэрвеня 1988 году ў газэце «Літаратура і мастацтва» быў надрукаваны артыкул Зянона Пазьняка і Яўгена Шмыгалёва «Курапаты — дарога сьмерці». У выніку сьвет даведаўся пра масавыя сталінскія рэпрэсіі ў Беларусі.
Дзень у гісторыі
1863 — Адбылася бітва пад Мілавідамі, аб’яднаныя сілы паўстанцаў пад камандаваньнем Ф. Юндзіла, І. Лукашэвіча, А. Лянкевіча, Л. Нарбута і агульным кіраўніцтвам К. Каліноўскага далі бой расейскаму войску. Сярод удзельнікаў бітвы былі Ф. Багушэвіч і М. Андрыёлі.
Сьвяткаваньне гадавіны бітвы пад Мілавідамі, чэрвень 2013
1912 — Янка Купала скончыў працу над камэдыяй «Паўлінка».
1980 — У выніку памылкі амэрыканскага кампутара, што паведаміў аб савецкім ядзерным нападзе, у ЗША абвешчаная ядзерная трывога.
2006 — Чарнагорыя абвясьціла незалежнасьць ад Сэрбіі.
У гэты дзень нарадзіліся
1911 — Ганна Сапрыка, беларуская пісьменьніца, перакладчыца.
1915 — Адольф Гугель, беларускі мастак.
Кастусь Каліноўскі, карціна Адольфа Гугеля і Раісы Кудрэвіч
1935 — Васіль Зуёнак, беларускі паэт.
Васіль Зуёнак
У памяці
1899 — Ёган Штраўс (сын), аўстрыйскі кампазытар, дырыжор і скрыпач, кароль вальсаў (самы славуты —«Казкі венскага лесу»), аўтар апэрэт (найвядомейшыя — «Жанчына-кажан», «Цыганскі барон»).
Ёган Штраўс
1924 — Франц Кафка, нямецкамоўны пісьменьнік.
Франц Кафка
1997 — Янка Сурвіла, грамадзкі дзяяч у эміграцыі, у 1958–1965 арганізатар і вядоўца беларускіх радыёпраграмаў Гішпанскага радыё.
Янка Сурвіла. Мадрыд, 1958