У Літве праз санкцыі Эўразьвязу ў дачыненьні да Расеі і Беларусі замарожаныя сродкі і акцыі 13 кампаній, паведамляе «Зеркало» са спасылкай на літоўскі партал LRT.
Пад абмежаваньні, у прыватнасьці, падпалі Amkodor Baltic і афіцыйны прадстаўнік Беларускага мэталюргічнага заводу BMZ-Baltija.
Фонды і акцыі EM System, EM Idustry і Amkodor Baltic былі замарожаныя праз сувязі з Аляксандрам Шакуціным, а сродкі пастаўшчыка мэталапрадукцыі BMZ-Baltija — праз сувязі з Аляксандрам Лукашэнкам.
Паводле апошніх зьвестак, у Літве празь міжнародныя санкцыі, зьвязаныя з Расеяй і Беларусьсю, замарожаныя актывы на агульную суму каля 62,8 млн эўра.
ГЛЯДЗІЦЕ ТАКСАМА: Віцэ-прэм’ер Беларусі Снапкоў: Санкцыі маюць удушальны характар ГЛЯДЗІЦЕ ТАКСАМА: Кіраўніка санаторыю «Беларусь» у Юрмале ўнесьлі ў «чорны сьпіс»