«Першы транш памерам да 100 мільёнаў эўра Ўкраіна мае атрымаць ужо сёлета. Гэта дапаможа Ўкраіне захаваць макраэканамічную стабільнасьць падчас вайны і дазволіць ёй хутчэй аднавіцца пасьля нашай перамогі. Дзякую Партугаліі за гэтую падтрымку», — напісаў Шмыгаль.
Прэм’ер-міністар Партугаліі Антонію Кошта 21 траўня знаходзіцца зь візытам ва Ўкраіне. Ён сустрэўся з прэзыдэнтам Украіны Ўладзімірам Зяленскім.
ГЛЯДЗІЦЕ ТАКСАМА: Байдэн падпісаў законапраект аб наданьні 40 млрд даляраў дапамогі Ўкраіне. На што пойдуць гэтыя грошыЯк паведаміла прэс-служба прэзыдэнта Украіны, падчас сустрэчы зь Зяленскім Кошта, у прыватнасьці, пацьвердзіў сваю гатовасьць далучыцца да адбудовы Ўкраіны пасьля вайны. Ён адзначыў, што яго краіна можа стаць куратарам аднаўленьня школ і дзіцячых садкоў, якія былі разбураныя ў выніку баявых дзеяньняў.
ГЛЯДЗІЦЕ ТАКСАМА: G7: ваенная дапамога будзе працягвацца, а зьмену межаў Украіны «ніколі не прызнаюць»Напярэдадні «Група сямі» найбольш прамыслова развьітых краін пагадзілася выдзеліць Украіне новую эканамічную дапамогу памерам 9,5 мільярда даляраў, каб дапамагчы Кіеву плаціць дзяржаўным службоўцам і забясьпечыць магчымасьць працы ўраду ва ўмовах абароны Ўкраіны ад маштабнага расейскага ўварваньня.