З Днём вышыванкі ўкраінцаў павіншаваў прэзыдэнт Украіны Ўладзімір Зяленскі.
«Моцная, нязломная, сьмелая і свабодная! З Днём вышыванкі, Украіна!», — сказаў Зяленскі ў відэа, апублікаваным у Telegram.
Таксама свае віншаваньні ўкраінцам з нагоды сьвята перадалі ўдзельнікі гурту Kalush Orchestra, які прынёс Украіне перамогу на «Эўравізіі», і Міністэрства абароны.
«Украінская дзяржава сшытая моцнай ніткай любові і павагі», — гаворыцца ў паведамленьні ведамства ў фэйсбуку.
Дзяржаўная служба надзвычайных сытуацый апублікавала фота службовага сабакі Патрона, які зьмяніў свой «бронік» на вышыванку.
Ужо 16 гадоў ва Ўкраіне і ўсюды, дзе жывуць украінцы, адзначаюць Дзень вышыванкі. Упершыню ідэя прысьвяціць адзін дзень траўня традыцыйнаму ўкраінскаму адзеньню ўзьнікла ў 2006 годзе ў студэнцкім асяродзьдзі Чарнаўцоў і хутка распаўсюдзілася па краіне.
З тых часоў кожны год украінцы і ўсе, каму падабаецца традыцыйнае адзеньне, апранаюць вышыванкі і носяць дома, у офісах, на вуліцах.
ГЛЯДЗІЦЕ ТАКСАМА: Пашпарт нацыі. У чым падобныя і розныя беларускія і ўкраінскія вышыванкі