Кампанія Kesko Senukai спыняе сваю дзейнасьць у Беларусі і выходзіць зь ліку акцыянэраў гандлёвай сеткі OMA.
На пачатку расейскай вайны з Украінай кампанія спыніла адносіны з Расеяй.
Кампанія, якой ускосна кіруюць грамадзяне Літвы і Фінляндыі, мае 50% акцый OMA і цяпер прадае іх, піша DELFI. Паведамляецца, што ўсе гандлёвыя сувязі з OMA — і продажы, і экспарт — былі спыненыя ў красавіку.
Kesko Senukai з самага пачатку вайны праяўляе салідарнасьць з жыхарамі Ўкраіны. Ва ўсіх краінах Балтыі кампанія апэратыўна спыніла закуп усіх расейскіх і беларускіх тавараў, актыўна пастаўляе дапамогу жыхарам Украіны праз Чырвоны Крыж і ўдзельнічае ў іншых ініцыятывах дапамогі ўкраінцам.