Што самае важнае зрабіў Краўчук для Ўкраіны? Як сакратар ЦК КПУ па ідэалёгіі стаў стваральнікам незалежнай дзяржавы? У якой ступені эвалюцыя Ўкраіны была падобная да эвалюцыі яе першага прэзыдэнта?
На гэтыя пытаньні Юрыя Дракахруста на канале Свабода Premium адказвае ўкраінскі палітоляг, дырэктар Інстытуту сусьветнай палітыкі Яўген Магда.
10 траўня, у 17:00 па кіеўскім часе, пасьля працяглай хваробы пайшоў з жыцьця Леанід Макаравіч Краўчук, першы прэзыдэнт незалежнай Украіны. Паведамляюць пра гэта ўкраінскія СМІ са спасылкай на сям'ю былога прэзыдэнта.
Леанід Краўчук быў першым прэзыдэнтам незалежнай Украіны. Разам з Барысам Ельцыным, прэзыдэнтам Расеі, і Станіславам Шушкевічам, першым лідэрам незалежнай Беларусі, які памёр на мінулым тыдні, Краўчук браў удзел у падпісаньні Белавескіх пагадненьняў, якія паклалі канец існаваньню СССР.
ГЛЯДЗІЦЕ ТАКСАМА: Памёр першы прэзыдэнт Украіны Леанід Краўчук