Апазыцыя Армэніі заклікала да пратэстаў 2 траўня, абвінаваціўшы Пашыньяна ў плянаваньні аддаць увесь спрэчны рэгіён Азэрбайджану пасьля таго, як у мінулым месяцы ён заявіў заканадаўцам, што «міжнародная супольнасьць заклікае Армэнію паменшыць патрабаваньні ў дачыненьні Карабаху».
Паліцыя заявіла, што змагла разблякаваць усе вуліцы ў сталіцы краіны, што дазволіла аднавіць працу грамадзкага транспарту, піша армянская служба Радыё Свабода.
Віцэ-спікер парлямэнту, лідэр апазыцыі Ішхан Сагатэльян заявіў журналістам, што «наша барацьба няспынная, усё ідзе па нашым пляне і патрабаваньнях людзей».
ГЛЯДЗІЦЕ ТАКСАМА: Мінабароны Азэрбайджану адказала Расеі на патрабаваньне адвесьці войскі з Нагорнага КарабахуУ офісе амбудсмэна паведамілі, што ў пастарунках працуюць праваабаронцы, якія аказваюць прававую дапамогу затрыманым актывістам.
Днём раней тысячы прыхільнікаў апазыцыі сабраліся ў цэнтры на плошчы Францыі, заклікаючы Пашыньяна сысьці ў адстаўку. У мінулым месяцы Нікол Пашыньян і прэзыдэнт Азэрбайджану Ільхам Аліеў падчас перамоваў у Брусэлі дамовіліся пачаць распрацоўку двухбаковай мірнай дамовы па ўрэгуляваньні канфлікту вакол Нагорнага Карабаху і стварыць сумесную камісію па дэмаркацыі агульнай мяжы.
ГЛЯДЗІЦЕ ТАКСАМА: Кіраўнікі Азэрбайджану і Армэніі дамовіліся пра мірныя перамовы паміж краінамі ГЛЯДЗІЦЕ ТАКСАМА: У Ерэване адбыўся мітынг супраць прэм’ер-міністра Пашыньяна