Беларусаў працягваюць перасьледаваць за іх грамадзянскую пазыцыю.
За сіня-жоўтыя значкі затрымалі ўладальніка друкарскага цэнтру ў Оршы Дзяніс Сімановіча, піша Праваабарончы цэнтар «Вясна».
У мінулым месяцы да яго ў копі-цэнтар завіталі супрацоўнікі ГУБАЗіКу. Іхную ўвагу прыцягнулі некалькі значкоў з выяваю жоўтага поля з блакітным небам. Такія сувэніры Дзяніс пасьпеў таксама падарыць некалькім сваім знаёмым. Сімановіча дапыталі і адпусьцілі дадому.
Аднак 29 красавіка яго зноў запрасілі на гутарку, адкуль Дзяніс ужо не выйшаў. Ён пасьпеў патэлефанаваць блізкім і паведаміць, што яго арыштавалі на 10 сутак нібыта за пікетаваньне.
У той жа час у копі-цэнтар працягваюць наведваць супрацоўнікі ГУБАЗ, іх цікавіць, якая прадукцыя там вырабляецца і што менавіта прадаюць людзям, паведамляюць праваабаронцы.
ГЛЯДЗІЦЕ ТАКСАМА: Беларусцы Яне Пінчук, якой пагражае экстрадыцыя з Расеі, працягнулі тэрмін утрыманьня пад вартай на 3 месяцы