Нямеччына спыніць імпарт нафты з Расеі да канца году, заявіла міністарка замежных спраў Нямеччыны Анналена Бэрбак пасьля сустрэчы са сваімі калегамі з краінаў Балтыі ў Рызе.
«Я кажу тут ясна і недвухсэнсоўна: так, Нямеччына таксама цалкам адмовіцца ад імпарту расейскіх энэрганосьбітаў», — цытуе Бэрбак агенцтва Reuters.
«Да лета мы скароцім нафту ўдвая і да канца году будзем на ўзроўні 0, а затым пойдзе газ у рамках сумеснай эўрапейскай „дарожнай карты“, таму што наш сумесны выхад, поўны выхад Эўразьвязу — гэта наша агульная сіла», — сказала кіраўніца нямецкага зьнешнепалітычнага ведамства, маючы на ўвазе выхад краінаў ЭЗ з практыкі імпартаваньня расейскай нафты як адказ на агрэсію Расеі ва Ўкраіне.