Такое рашэньне прыняла Камісія ў пытаньнях найменьняў Кіеўскай дзяржаўнай адміністрацыі.
Пра рашэньне паведаміў грамадзкі актывіст Валер Сьляпухін, які займаўся пытаньнем увечненьня памяці лідэра вызвольнага паўстаньня 1863–64 гадоў.
«Добрая навіна згубілася на абшарах глябальнай сеткі ў сувязі з нападам на Украіну расейскіх войскаў. Але сквэру Кастуся Каліноўскага быць! Такое рашэньне прыняла Камісія ў пытаньнях найменьняў Кіеўскай дзяржаўнай адміністрацыі. Цяпер афіцыйна. Засталося зацьвердзіць мясцовым дэпутатам», — адзначыў Валер Сьляпухін.
Сквэр у гонар Кастуся Каліноўскага ў Кіеве паўстане на перасячэньні вуліц Горадзенскай і Алмаацінскай у Дняпроўскім раёне. Рашэньне прынялі дзякуючы сыстэмнай працы прадстаўнікоў беларускай дыяспары Кіева.
ГЛЯДЗІЦЕ ТАКСАМА: Лукашэнка адрэагаваў на ўтварэньне ва Ўкраіне беларускага батальёну імя Кастуся Каліноўскага ГЛЯДЗІЦЕ ТАКСАМА: Каліноўскі быў беларусам. Даказаць адваротнае немагчыма