Ва Ўкраіне выстраіліся чэргі, каб купіць паштовую марку, прысьвечаную памежнікам і фразе «Русскій воєнний корабль, іді ...». Выпуск маркі супаў з навіной аб тым, што ракетны крэйсэр «Масква», да якога і быў той зварот, патануў.
12 красавіка «Укрпошта» ўвяла ў абарачэньне новую марку з фразай-адказам украінскіх абаронцаў востраву Зьмяінага «Русскій воєнний корабль, іді ...».
На фота, апублікаваным у сацыяльных сетках, — чарга на Галоўпаштамт у Кіеве. «Мабыць, упершыню ў гісторыі чарга па паштовую марку большая, чым па айфоны», — кажуць супрацоўнікі «Укрпошты».
Марку выпусьцілі мільённым накладам двума наміналамі для ўнутранага выкарыстаньня і адпраўленьняў за мяжу.