Вярхоўная Рада абвясьціла аб прыпыненьні дзейнасьці фракцыі «Апазыцыйная плятформа — За жыцьцё» (АПЗЖ). Такое рашэньне было абвешчанае на закрытым пленарным пасяджэньні парлямэнту 14 красавіка. Раней сустаршыня АПЗЖ Юры Бойка заявіў, што тыя дэпутаты, якія засталіся ў гэтай фракцыі, сфармуюць дэпутацкую групу.
Акрамя галасаваньня наконт фракцыі АПЗЖ, Вярхоўная Рада 14 красавіка прыняла зварот да парлямэнтаў і міжнародных інстытутаў сьвету аб прызнаньні дзеяньняў Расеі ва Ўкраіне генацыдам украінскага народу; зварот у міжнародныя спартовыя інстытуты і арганізацыі аб недапушчэньні спартоўцаў з Расеі і Беларусі на любыя міжнародныя спаборніцтвы ды адхіленьне іх прадстаўнікоў з пасад у гэтых арганізацыях; закон, які цалкам забараняе нэанацысцкую сымболіку V і Z, прызнае Расею тэрарыстычнай дзяржавай, асуджае нэанацысцкі таталітарны рэжым Расеі і забараняе любую яго прапаганду.
ГЛЯДЗІЦЕ ТАКСАМА: Чым вядомы кум Пуціна Медзьвядчук, якога арыштавалі ва Ўкраіне, і як ён зьвязаны зь БеларусьсюПарлямэнцкая фракцыя АПЗЖ складалася з 44 народных дэпутатаў, але пасьля пачатку вайны Расеі супраць Украіны яе чальцы пачалі пакідаць краіну.
Па стане на 24 сакавіка з фракцыі АПЗЖ выйшлі дзевяць дэпутатаў, сёньня стала вядома, што аб выхадзе з фракцыі заявілі яшчэ два дэпутаты.
ГЛЯДЗІЦЕ ТАКСАМА: Сустаршыня галоўнай прарасейскай партыі ва Ўкраіне заявіў аб прыпыненьні яе існаваньняАкрамя таго, 3 сакавіка Ільля Ківа быў выключаны з фракцыі.
20 сакавіка Рада нацыянальнай бясьпекі і абароны прыпыніла дзейнасьць некалькіх партый, у тым ліку партыі АПЗЖ.
Старшыня палітрады прарасейскай партыі «Апазыцыйная плятформа — За жыцьцё» — Віктар Медзьвядчук, лідэр украінскага прарасейскага руху «Ўкраінскі выбар», вядомы таксама як кум прэзыдэнта Расеі Ўладзіміра Пуціна.