Рада дырэктараў францускай аўтамабільнай кампаніі Renault прыняла рашэньне закрыць завод у Маскве.
«Што датычыцца долі ў „АвтоВАЗе“, Renault Group разглядае даступныя варыянты з улікам цяперашняй сытуацыі, дзейнічаючы адказна ў адносінах да сваіх 45 000 супрацоўнікаў у Расеі», — цытуе «Натоящее время» паведамленьне на афіцыйным сайце кампаніі.
25 лютага, на наступны дзень пасьля нападу Расеі на Ўкраіну, маскоўскі завод Renault прыпыніў працу з прычыны, як абвяшчалася, перабояў у пастаўцы камплектных частак.
Колькасьць рабочых на прадпрыемстве Renault — больш як 4 тысячы чалавек.