Расея забараніла ўезд у краіну прэм’ер-міністру Канады Джасьціну Трудо, міністру замежных спраў Мэлані Жолі і міністру абароны Анітэ Ананд
Пра гэта гаворыцца ў заяве расейскага МЗС.
У сьпісе ўсяго 313 чалавек, у тым ліку большасьць дэпутатаў парлямэнту Канады.
«Сярод тых, хто трапіў пад забарону, таксама большасьць дэпутатаў Палаты абшчынаў канадзкага парлямэнту і агрэсіўныя бандэраўскія элемэнты. Гэты крок носіць вымушаны характар і прыняты ў парадку рэакцыі на варожыя дзеяньні цяперашняга канадзкага рэжыму, якія выходзяць за рамкі прыстойнасьці», — гаворыцца ў заяве МЗС РФ.
ГЛЯДЗІЦЕ ТАКСАМА: Канада ўводзіць санкцыі супраць Пуціна і Лукашэнкі за «варварскі напад» на ЎкраінуРаней Канада ўвяла новыя санкцыі ў адказ на ўварваньне Расеі ва Украіну, у тым ліку абмежаваньні ў дачыненьні да 15 расейскіх чыноўнікаў, якія падтрымалі рашэньне прэзыдэнта Ўладзіміра Пуціна аб ўварваньні.