Расейская калёна каля Кіева разьяжджаецца па лясах. Новыя спадарожнікавыя здымкі. ФОТА

Каля пашкоджанага моста праз рэчку Ірпень відаць доўгая чарга з аўтамабіляў жыхароў. Мост быў разбураны ўкраінскімі вайскоўцамі, каб запаволіць прасоўваньне расейскіх войскаў да Кіева.

Паўднёвая частка аэрапорта «Антонаў» у Гастомелі, на паўночны захад ад Кіева. На здымку Maxar можна ўбачыць пажары ў зоне захоўваньня паліва.

Гараць рэзэрвуары для захоўваньня паліва каля аэрапорта «Антонаў» у Гастомелі.

У вёсцы Азёры на паўночны ўсход ад аэрапорта «Антонаў» відаць расейскія вайсковыя машыны, якія стаяць сярод агародаў і хат.

Расейская вайсковая тэхніка ў вёсцы Азёры на паўночны ўсход ад аэрапорта «Антонаў».

Расейскія сілы разгортваюць і перамяшчаюць артылерыю на агнявыя пазыцыі каля лясоў на паўночны захад ад аэрапорта «Антонаў» каля вёскі Лубянка.

У Чарнігаве на паўночны ўсход ад Кіева. Расейскія напады нанесьлі вялікую шкоду камэрцыйнай і жылой маёмасьці ў Кіеве і Чарнігаве, а таксама ў іхных ваколіцах.

Зьнішчаны атакай расейскіх войскаў чарнігаўскі гандлёвы цэнтар «Епіцентр К».

Пажар у прамысловай зоне на поўдні Чарнігава

Зьнішчаны склад у Стаянцы на захадзе Кіеўскай вобласьці

Выгляд Чарнобыльскай АЭС 10 сакавіка. Цяпер яна кантралюецца расейскімі войскамі. Міжнароднае агенцтва атамнай энэргетыкі (МАГАТЭ) паведаміла 10 сакавіка, што страціла ўсялякую сувязь з Чарнобыльскай АЭС. Тры ядзерныя рэактары, якія засталіся цэлымі пасьля аварыі там у 1986 годзе, спынілі ў 2000 годзе, але радыяактыўны матэрыял застаецца ўнутры. Для ахаладжэньня сыстэмы патрабуецца электрычнасьць

Ёсць засьцярогі, што баявыя дзеяньні або адключэньне электрычнасьці могуць прывесьці да распаўсюджваньня радыяактыўнага матэрыялу.