Cёньня Блінкен сустрэўся з міністрам замежных спраў Украіны Дзьмітром Кулебам на мяжы Ўкраіны і Польшчы.
«Украіна выйграе гэтую вайну, таму што ўкраінцы падняліся на Народную вайну за сваю зямлю, і праўда на нашым баку, — сказаў пасьля перамоваў Кулеба. — Пытаньне ў цане перамогі. Калі партнэры працягнуць дзейнічаць рашуча, узмацняць эканамічны і палітычны ціск на Расею, даваць нам неабходную зброю, цана для Украіны будзе ніжэйшай. Гэта выратуе шмат жыцьцяў».
Дзяржсакратар ЗША заявіў па выніках перамоваў, што Злучаныя Штаты працягнуць падтрымку народу Ўкраіны.
It was inspiring to meet today with my friend @DmytroKuleba at the Ukrainian-Polish border. The leadership and courage that he and @ZelenskyyUa have demonstrated are remarkable, and the United States and the world will continue to stand with them and the people of Ukraine. pic.twitter.com/utOke4HK3M
— Secretary Antony Blinken (@SecBlinken) March 5, 2022