«Беларусь ня можа стаць месцам разьмяшчэньня расейскіх ядзерных ракет, накіраваных на Эўропу. Беларуская моладзь мае права выбіраць Эўропу, дэмакратыю і свабоду. Мы гатовыя да гэтага. За будучыню Беларусі. За Ўкраіну. За Эўропу».
Раней прэс-служба прэзыдэнта Францыі Эманюэля Макрона апублікавала падсумаваньне тэлефоннай размовы Макрона з Аляксандрам Лукашэнкам 26 лютага.
Паводле прэс-службы Элізэйскага палацу, Эманюэль Макрон падчас размовы:
- асудзіў магчымае разьмяшчэньне ў Беларусі расейскай ядзернай зброі;
- папрасіў Лукашэнку запатрабаваць як найхутчэйшага вываду зь Беларусі расейскіх войскаў, якія вядуць несправядлівую вайну;
- падкрэсьліў неабходнасьць супрацоўніцтва Беларусі зь міжнароднай супольнасьцю для аказаньня гуманітарнай дапамогі Ўкраіне;
- падкрэсьліў, што братэрства беларускага і ўкраінскага народаў павінна прывесьці Беларусь да адмовы быць васалам Расеі і саўдзельніцай вайны супраць Украіны.
- ГЛЯДЗІЦЕ ТАКСАМА: Званок Макрона Лукашэнку: прычыны і наступствы