Прэзыдэнт Украіны Ўладзімір Зяленскі заявіў, што Ўкраіна афіцыйна накіравала пазоў супраць Расеі ў Міжнародны суд ААН у Гаазе.
«Патрабуем прыцягнуць Расею да адказнасьці за скажэньне паняцьця генацыду для апраўданьня агрэсіі. Просім суд тэрмінова загадаць Расеі спыніць ваенныя дзеяньні і прызначыць слуханьні на наступны тыдзень», — паведаміў Уладзімір Зяленскі ў сваім Twitter.
Україна офіційно направила позов проти РФ до Міжнародного суду ООН у Гаазі. Вимагаємо притягнути Росію до відповідальності за спотворення поняття геноциду для виправдання агресії. Просимо суд негайно наказати РФ припинити військові дії та призначити слухання вже наступного тижня.
— Володимир Зеленський (@ZelenskyyUa) February 27, 2022
Адначасова Вярхоўная Рада Ўкраіны зьвярнулася да Генэральнай асамблеі ААН з прапановай стварыць спэцыяльны трыбунал для расьсьледаваньня злачынстваў рэжыму дзейнага прэзыдэнта Расеі Ўладзіміра Пуціна.