«Папярэдняя інфармацыя аб тым, што сярод памежнікаў могуць быць загінулыя, паступіла яшчэ да таго, як прапала сувязь з абаронцамі (вострава. — РС), — паведамляе ДПСУ. — Мы разумеем, што прапагандысты „русского мира“ здольныя рабіць патрэбныя інфармацыйныя ўкіды і выкарыстоўваць іх, зазначаючы, што ўкраінскія абаронцы здаліся».
Расейскія крыніцы паведамілі 26 лютага, што ў Севастопаль даставілі 82 украінскіх памежнікаў з вострава Зьмяіны. Сьцьвярджаецца пры тым, што іх нібыта зьбіраюцца адправіць дадому. Міністэрства абароны Расеі апублікавала зь імі відэа.
ТАСС адзначае, што ніхто з тых палонных памежнікаў, якія прыбылі ў Севастопаль, ня мае патрэбы ў мэдычнай дапамозе, яны забясьпечаныя пайкамі і вадой.
Раней паведамлялі, што 13 украінскіх памежнікаў загінулі, абараняючы востраў Зьмяіны ад расейскіх войскаў. Паводле паведамленьняў, перад сьмерцю яны адмовіліся здацца расейцам у палон.
ГЛЯДЗІЦЕ ТАКСАМА: Апублікавалі перамовы расейскіх вайскоўцаў з украінскімі памежнікамі, якія адмовіліся здавацца. АЎДЫЁ