Як паведамляе «Настоящее время» са спасылкай на агенцтва УНІАН, рашэньне падтрымалі 274 народныя дэпутаты з 352 прысутных.
Законапраект прадугледжвае ўвядзеньне пасьведчаньня ўладальніка зброі і стварэньне адзінага дзяржаўнага рэестру цывільнай агнястрэльнай зброі.
Законапраект вызначае, што ва Ўкраіне цывільная агнястрэльная зброя дзеліцца на такія катэгорыі:
А — аўтаматычная агнястрэльная зброя;
B — гладкаствольная караткаствольная агнястрэльная зброя (траўматычная);
C — караткаствольная агнястрэльная зброя (з выняткам гладкаствольнай караткаствольнай (траўматычнай) зброі);
D — даўгаствольная агнястрэльная гладкаствольная зброя;
Е — даўгаствольная агнястрэльная нарэзная і камбінаваная агнястрэльная зброя.
Вызначаныя і патрабаваньні да ўладальнікаў: грамадзянства Ўкраіны; брак мэдычных супрацьпаказаньняў, асуджанасьці, прыцягненьня да адміністрацыйнай адказнасьці цягам году; поліс абавязковага страхаваньня грамадзянскай адказнасьці за магчымую шкоду трэцяй асобе.