У афіцыйнай заяве канцылярыі прэзыдэнта Францыі, зробленай пасьля тэлефонных размоў Эманюэля Макрона з Уладзімірам Пуціным і Джо Байдэнам, гаворыцца аб гатоўнасьці прэзыдэнтаў ЗША і Расеі правесьці сустрэчу. Аднак сустрэча адбудзецца толькі «калі Расея не ўварвецца ва Ўкраіну», гаворыцца ў заяве.
Прэс-сакратарка Белага дома Джэн Псакі пацьвердзіла наяўнасьць папярэдняй дамоўленасьці.
«Мы заўсёды гатовыя да дыпляматыі. Мы таксама гатовыя да неадкладнага і жорсткага адказу, калі Расея замест гэтага выбера вайну. У гэты момант, мяркуючы па ўсім, Расея працягвае падрыхтоўку да поўнамаштабнага нападу на Ўкраіну, які можа адбыцца вельмі хутка».
ГЛЯДЗІЦЕ ТАКСАМА: Пуцін і Макрон амаль дзьве гадзіны зноў абмяркоўвалі сытуацыю вакол Украіны па тэлефонеЗ Масквы камэнтароў пакуль няма.
Парадак дня магчымай сустрэчы падрыхтуюць дзяржсакратар ЗША Энтані Блінкен і міністар замежных спраў Расеі Сяргей Лаўроў на папярэдне заплянаванай сустрэчы 24 лютага.
ГЛЯДЗІЦЕ ТАКСАМА: Украіна, Літва і Латвія адрэагавалі на працяг расейска-беларускіх вайсковых вучэньняў ГЛЯДЗІЦЕ ТАКСАМА: Блінкен назваў абразьлівымі заявы Расеі аб «генацыдзе» на Данбасе