Міністры замежных спраў G7 апублікавалі 19 лютага сумесную заяву, заклікаўшы Расею «абраць шлях дыпляматыі, зьнізіць напружанасьць, істотна адвесьці ўзброеныя сілы ад межаў Украіны і поўнасьцю выконваць міжнародныя абавязаньні».
Міністры замежных спраў G7 сустрэліся ў Мюнхэне, дзе праходзіць канфэрэнцыя па бясьпецы.
Несправакаванае і неапраўданае засяроджаньне Расеяй узброеных сіл, якое стала найбуйнейшым вайсковым разгортваньнем на эўрапейскім кантынэнце з часоў заканчэньня «халоднай вайны», зьяўляецца выклікам глябальнай бясьпецы і міжнароднаму парадку, заявілі міністры.
«У якасьці першага кроку мы чакаем, што Расея ажыцьцявіць абвешчанае скарачэньне сваёй вайсковай актыўнасьці ўздоўж межаў Украіны. Мы ня бачылі доказаў гэтага скарачэньня», — гаворыцца ў заяве.
Заяву падпісалі міністры замежных спраў Канады, Францыі, Нямеччыны, Італіі, Японіі, Злучанага Каралеўства і Злучаных Штатаў Амэрыкі, а таксама Вярхоўны прадстаўнік Эўразьвязу.
ГЛЯДЗІЦЕ ТАКСАМА: Прэзыдэнт Украіны: каб дапамагчы Украіне, ня трэба гаварыць аб датах уварваньня Расеі ГЛЯДЗІЦЕ ТАКСАМА: Прэм’ер Вялікай Брытаніі: NATO гарантуе адсутнасьць пагрозы для Расеі ГЛЯДЗІЦЕ ТАКСАМА: Віцэ-прэзыдэнт ЗША: NATO ўмацуе саюзьнікаў «на ўсходнім флянгу» ў выпадку ўварваньня Расеі ва Ўкраіну ГЛЯДЗІЦЕ ТАКСАМА: Канцлер Нямеччыны: магчымы напад Расеі на Ўкраіну быў бы «сур’ёзнай памылкай»