Аляксандар Знак, бацька палітзьняволенага Максіма Знака, напісаў на сваёй старонцы ў Фэйсбуку:
«Учора арыштавалі маіх сяброў. Спачатку Сяржука, а празь некалькі гадзін Анатоля. Сёньня абодва атрымалі па 15 содняў. Ад Сяржука я ніколі ў жыцьці ня чуў брыдкага слова, а ён адправіўся ў РАУС, «раскідаў нейкія паперы і аблаяў міліцыянтаў». А Анатоль, якому некалькі тыдняў таму выдалілі жаўцяк і ён ледзь ходзіць, вырашыў патузацца з супрацоўнікамі органаў. Ёсьць сьведкі іхніх злачынстваў, ёсьць судзьдзі, ёсьць содні».
ГЛЯДЗІЦЕ ТАКСАМА: Герой мэму пра памідоры са сьмятанай Шаўковіч пачаў публікацыю ўспамінаў пра свае турэмныя будніШаўковіча першы раз затрымалі 11 лістапада мінулага году, ад таго часу ён заставаўся ў турме на Акрэсьціна 60 дзён. 65-гадовага мужчыну пакаралі шэрагам арыштаў за бел-чырвона-белыя сьцягі.
Праваахоўныя органы раней заявілі, што мужчына наладзіў у сябе «вытворчасьць пратэставай сымболікі». Яго судзілі за кожны сьцяг паасобку, таму цяжка было прагназаваць, колькі ў суме яму давядзецца адседзець.
Анатоль Шаўковіч стаў папулярны праз сваю заяву ў «пакаянным відэа» пра любоў да белага і чырвонага колераў, патлумачыўшы, што проста любіць спалучэньне белага і чырвонага — да прыкладу, памідоры са сьмятанай.