Аляксандра Франчэці затрымалі 12 верасьня 2021 году ў аэрапорце Прагі на запыт уладаў Украіны. Ён у вышуку з 2019 году; на сайце ўкраінскага МУС пазначаны артыкул — стварэньне незаконнага ўзброенага фармаваньня. Ва Ўкраіне яму пагражае да васьмі гадоў турмы.
Сьцьвярджаецца, што ў 2014 годзе, за некалькі дзён да пачатку расейскай апэрацыі па анэксіі паўвострава, Франчэці стварыў у Крыме групоўку «Паўночны вецер». Яна налічвала 11 чалавек і адказвала за ахову ліній электраперадач, газаправоду, а таксама выяўленьне нейкіх «экстрэмісцкіх груп». Тады ж ён расказаў, што групоўка ўзаемадзейнічала з камандаваньнем ВМФ Расеі.
Франчэці ніколі не хаваў свайго ўдзелу ў анэксіі Крыму. У шматлікіх інтэрвію расейскім і нават чэскім журналістам ён расказваў, паўтараючы тэзісы расейскай прапаганды, што прыйшоў абараняць жыхароў Крыму ад «Правага сэктару» і іншых, як ён казаў, нэафашыстаў.
ГЛЯДЗІЦЕ ТАКСАМА: У анэксаваным Расеяй Крыме журналіста Свабоды Ўладзіслава Есіпенку асудзілі на 6 гадоў турмы ГЛЯДЗІЦЕ ТАКСАМА: Прадстаўнік ЗША: Расея ўжо мае 169 000–190 000 вайскоўцаў ва Ўкраіне і каля яе межаў