Яму прысудзілі 6 гадоў пазбаўленьня волі ў калёніі ўзмоцненага рэжыму і каля 1,5 тысячы даляраў штрафу па справе аб незаконным захоўваньні і перавозцы выбуховага прыстасаваньня. Расейская пракуратура прасіла для Есіпенкі 11 гадоў турмы.
Падчас апошняга слова Ўладзіслаў Есіпенка заявіў, што лічыць справу палітычнай.
«Чаму? Таму што я журналіст украінскага выданьня і, хутчэй за ўсё, супрацоўнікі ФСБ хацелі паказаць, наколькі непрымальная свабода слова. Я лічу, што пагрозы і катаваньні ў ХХІ стагодзьдзі недапушчальныя. У 1937 годзе дзеда закатавалі і расстралялі. Здаецца, што ў тых чэкістаў, якія тады былі, ёсьць унукі, праўнукі, якія робяць тое ж самае, што і ў 1937 годзе», — сказаў ён.
ГЛЯДЗІЦЕ ТАКСАМА: «Ноччу ты заўсёды дома». Зьняволены журналіст Алег Грузьдзіловіч напісаў, чаму вязьні ня любяць раніцыПрэзыдэнт Радыё Свабодная Эўропа/Радыё Свабода Джэймі Флай заклікаў да «неадкладнага вызваленьня» Ўладзіслава Есіпенкі.
«Уладзіслава затрымалі беспадстаўна, жорстка катавалі, каб атрымаць «прызнаньне», зробленае для тэлебачаньня, і падвергнулі яго фіктыўнаму суду, які доўжыўся восем месяцаў. Уладзіслава патрэбна неадкладна вызваліць і дазволіць узьяднацца з жонкай і дачкой, якія чакаюць ягонага вяртаньня дадому з сакавіка мінулага году», — гаворыцца ў заяве Флая.
ГЛЯДЗІЦЕ ТАКСАМА: Жонка Андрэя Кузьнечыка: «Магчыма, нам і дадзена расстаньне, каб перагледзелі нешта ў жыцьці і сталі больш мудрымі»Есіпенку затрымалі 10 сакавіка 2021 году — і з таго часу журналіст знаходзіцца за кратамі ў Сімфэропалі. Уладзіслаў здымаў відэа на паўвостраве для праекту Радыё Свабода — «Крым.Реалии». Расейскае сьледзтва абвінавачвае Есіпенку ў зборы інфармацыі для ўкраінскіх спэцслужбаў і перавозцы самаробнай выбуховай прылады. Есіпенка заяўляе, што прызнаньне зь яго выбілі катаваньнямі.
Папярэдняе судовае пасяджэньне ў справе Ўладзіслава Есіпенкі адбылося сёлета 21 студзеня. Раней суд пакінуў журналіста ў СІЗА да 18 сакавіка.
Міжнародная праваабарончая арганізацыя Civil Rights Defenders (CRD) заклікала да вызваленьня Есіпенкі і ўсіх журналістаў у анэксаваным Расеяй Крыме.
У Службе зьнешняй выведкі Ўкраіны заявілі, што інфармацыя аб працы Ўладзіслава Есіпенкі на ўкраінскія спэцслужбы — гэта расейская правакацыя. Неадкладна вызваліць Есіпенку заклікалі міністар замежных спраў Украіны Дзьмітро Кулеба і амбудсвумэн Людміла Дзянісава.
ГЛЯДЗІЦЕ ТАКСАМА: 9 лютага абвясьцілі Днём салідарнасьці зь беларускімі незалежнымі журналістамі