Аб правядзеньні чарговага прагляду патэнцыйных актораў паведамляе адміністрацыя Купалаўскага тэатру. Апошні раз адбор у тэатар абвяшчалі зусім нядаўна — у сярэдзіне лістапада 2021 году.
На прагляд запрашаюць прафэсійных артыстаў і студэнтаў з профільнай адукацыяй ва ўзросьце ад 21 да 70 гадоў.
У жніўні 2020 году купалаўцы публічна асудзілі самавольства і гвалт сілавікоў у дачыненьні да мірных дэманстрантаў, пасьля чаго быў звольнены дырэктар тэатру Павал Латушка. На знак салідарнасьці зь ім Купалаўскі тэатар пакінулі практычна ўсе акторы, рэжысэры, рэдактары, адміністратары, музыкі аркестру, кіраўнік літаратурна-драматургічнай часткі, мастацкі кіраўнік Мікалай Пінігін — звыш 60 чалавек.
ГЛЯДЗІЦЕ ТАКСАМА: Ідэоляг вытрымаў паўгода. У Вялікага тэатру Беларусі новы кіраўнікНя маючы сцэны, яны заснавалі незалежную трупу «Купалаўцы» і стварылі 6 арыгінальных спэктакляў. З таго часу купалаўцы выступалі онлайн і здымаліся ў відэапастаноўках. Іх першай прэм’ерай стаў культавы спэктакль «Тутэйшыя», спэктакль на YouTube паглядзелі больш за 300 тысяч чалавек. 29 верасьня летась «Купалаўцы» ўпершыню за год выступілі на сцэне перад гледачамі.
У трупе Купалаўскага тэатру засталіся толькі некалькі чалавек, у тым ліку Вольга Няфёдава, якая стала мастацкай кіраўніцай тэатру. Астатнія акторы новыя.
ГЛЯДЗІЦЕ ТАКСАМА: «Купалаўцы» онлайн пакажуць «Запіскі афіцэра Чырвонай Арміі» ГЛЯДЗІЦЕ ТАКСАМА: Звальняюць дырэктара менскага Тэатру юнага гледача