«З пачатку году мы не прапусьцілі на тэрыторыю краіны 29 грузавікоў, якія везьлі забаронены тавар пад выглядам іншага тавару. Склалі адпаведныя пратаколы. Мы ня толькі працуем па вонкавай мяжы ў пунктах пропуску, але і мабільнымі групамі кантралюем беларуска-расейскі ўчастак мяжы, каб адтуль не завозілі тавары, якія ў нас забароненыя», — цытуе Арлоўскага БелТА.
Беларускі ўрад з 1 студзеня забараніў увозіць дзясяткі відаў харчовых тавараў у Беларусь з Эўразьвязу, ЗША, Швайцарыі, Вялікай Брытаніі і іншых краін, якія ўводзілі санкцыі супраць айчынных уладаў. Пад забаронай апынуліся мяса, мясныя прадукты, малако і малочныя прадукты, садавіна і гародніна, соль, кандытарскія тавары.
Як заявілі ў ДМК, узмацнілі кантроль дакумэнтаў, якія пацьвярджаюць краіну паходжаньня тавараў. Калі ёсьць падазрэньні, то праводзіцца дадатковы надгляд.
ГЛЯДЗІЦЕ ТАКСАМА: Bloomberg: Нямеччына хоча, каб санкцыі не распаўсюджваліся на расейскі энэргетычны сэктар ГЛЯДЗІЦЕ ТАКСАМА: Пасьля скасаваньня дамовы зь «Беларуськаліем» «Літоўскія чыгункі» атрымалі заяўкі ад трох кампаній на перавозку беларускага калію ГЛЯДЗІЦЕ ТАКСАМА: У беларускіх крамах пачала дзейнічаць праграма зьніжак на сацыяльна значныя тавары