Прэзыдэнт Украіны Ўладзімір Зяленскі ўвёў санкцыі супраць 52 грамадзян Расеі і 24 расійскіх кампаній. Указ апублікаваны на сайце прэзыдэнта Ўкраіны.
Пад санкцыі трапілі расейскія судзьдзі, крымскія чыноўнікі, паўнамоцны прадстаўнік прэзыдэнта Расеі ў Паўночна-Каўказскай фэдэральнай акрузе, былы генпракурор Юры Чайка і дызайнэр Арцемій Лебедзеў.
Санкцыі ўведзеныя на пяць гадоў і мяркуюць блякаваньне актываў і спыненьне апэрацый па вываду капіталу з Украіны. У юрыдычных асобаў таксама адклічуць ліцэнзіі.
У 2017 годзе СБУ Украіны забараніла Арцемію Лебедзеву ўезд ва Ўкраіну з прычыны паездак у Крым і на непадкантрольную Кіеву тэрыторыю Данбасу.
ГЛЯДЗІЦЕ ТАКСАМА: Расея і Ўкраіна абмяняліся новымі санкцыямі