Спаслаўшыся на неназванага экспэрта, ён прапанаваў чарговы спосаб змаганьня з каранавірусам: «Адзін ці амэрыканскі, ці заходні спэцыяліст заявіў: „Калі омікрон такі лёгкі вірус, давайце перахварэем усе, і гэта будзе вакцына для нас“. З майго пункту гледжаньня, ідэальная прапанова».
Дзяржаўнае агенцтва БЕЛТА падкрэсьлівае ў сваім паведамленьні, што Лукашэнка прытрымліваецца старых прынцыпаў і раіць грамадзянам моцна не перажываць, калі ў іх выявілі каранавірус.
ГЛЯДЗІЦЕ ТАКСАМА: Лукашэнка заявіў, што перахварэў на «Омікрон», але працягваў працоўныя сустрэчыАгенцтва цытуе яго словы: «Параю не парыцца. Я ўжо даўно вам гаварыў, з самага першага разу: нашая хвароба тут, у галаве. Як толькі вы пачынаеце вохкаць, ахаць і бегаць чорт ведае куды — гэта бяда. Маладым людзям і перажываць няма чаго. Я хачу ўсім гэтым жулікам міжнародным сказаць: хопіць ужо. Ужо нам вывернулі гэтыя кішэні настолькі, што там нічога не засталося. Ужо распранулі ўсіх. Трэба ўжо заканчваць гэту пандэмію. Хопіць ужо, пазьдзекаваліся зь людзей».
ГЛЯДЗІЦЕ ТАКСАМА: Ад парады лячыцца гарэлкай да забароны прымусовай вакцынацыі. Што Лукашэнка казаў пра каранавірус