Пра гэта паведамляе football.by.
Не паўплывала на рашэньне і тое, што на зборы некаторыя клюбы зьбіраліся патраціць не бюджэтныя сродкі, заўважае tribuna.com. Напрыклад, «Тарпеда-БелАЗ» зьбіралася правесьці зборы ў Турэччыне, выкарыстоўваючы «іншыя крыніцы даходу».
Тое ж самае тычыцца і чэмпіёна мінулага сэзона — салігорскага «Шахцёра», які зарабіў у эўракубках каля паўмільёна эўра. Паведамляецца, што ў Турэччыне каманда меркавала правесьці таварыскія матчы з данецкім «Шахцёрам», кіеўскім «Дынама», маскоўскім «Спартаком» і яшчэ некалькімі статуснымі камандамі.
Такая ж сытуацыя склалася і ў менскага «Дынама» з БАТЭ. Пры гэтым сталічны клюб атрымаў дазвол на зборы ў расейскім Сочы, аднак там не найлепшыя ўмовы надвор’я і мала супернікаў адпаведнага ўзроўню для спарынгаў.
«Ідэя наконт таго, каб клюбы не марнавалі дзяржаўныя грошы за мяжой, ператварылася ў татальную забарону нават для тых, хто здольны зарабіць на выезд за мяжу сам, нават для прызёраў двух апошніх гадоў. Але ці толькі пра грошы гэта, калі клюбы ледзь не прымушаюць замест Турэччыны ехаць у Расею за тыя ж (калі не большыя) сродкі і ў значна горшыя ўмовы?» — пытаецца football.by.