Міністэрства фінансаў Беларусі скараціла дэталізацыю інфармацыі аб дзяржаўным доўгу ў сьнежаньскім прэс-рэлізе паводле вынікаў 11 месяцаў. Не ўказаныя крыніцы вонкавых пазык, а таксама кірункі іх пагашэньня.
Акрамя таго, няма інфармацыі аб выпуску і пагашэньні аблігацыяў унутранай пазыкі. Раней міністэрства штомесяц падавала гэтыя зьвесткі.
За лістапад дзяржаўны доўг Беларусі вырас на 3 мільярды рублёў і на 1 сьнежня склаў 58,3 мільярда рублёў. З пачатку 2021 году доўг вырас на 0,5 млрд рублёў.
ГЛЯДЗІЦЕ ТАКСАМА: Дзяржаўны доўг Беларусі перавысіў 55 мільярдаў рублёў і можа дасягнуць 50% ад ВУПВонкавы дзяржаўны доўг Беларусі на 1 сьнежня склаў 18,3 млрд даляраў (на 0,1 млрд больш у параўнаньні з 1 лістапада). З улікам курсавых розьніц з пачатку 2021 году доўг скараціўся на 0,4 млрд даляраў.
У лістападзе Беларусь залучыла вонкавыя дзяржаўныя пазыкі на 99,4 млн даляраў, усяго за 11 месяцаў — на 1,1649 млрд даляраў. На пагашэньне вонкавага дзяржаўнага доўгу было накіравана ў лістападзе 64,5 млн даляраў, агулам за 11 месяцаў — 1 мільярд 515,6 мільёнаў даляраў.
Унутраны дзяржаўны доўг на 1 сьнежня склаў 11,9 млрд рублёў. Ён вырас за лістапад на 0,9 млрд рублёў, а з пачатку году — на 2 млрд рублёў з улікам курсавых розьніц.
Да канца году ўладам Беларусі трэба будзе выплаціць значную частку даўгоў і працэнтаў на іх. У міністэрстве раней заяўлялі, што дзяржаўны доўг стаў для эканомікі праблемай .
ГЛЯДЗІЦЕ ТАКСАМА: МВФ параіў Беларусі ўрэзаць бюджэтныя выдаткі ва ўмовах санкцый ГЛЯДЗІЦЕ ТАКСАМА: Што будзе з курсам валют у новым годзе: сцэнары ад лепшага да горшага