Паводле Дадона, якога цытуе ТАСС, падчас допыту яму паказалі дакумэнты, да якіх ён нібыта меў дачыненьне, калі займаў пасаду міністра эканомікі. Дадон сказаў, што ён не вінаваты і зьбіраецца супрацоўнічаць са сьледзтвам.
«Нікуды ўцякаць не зьбіраюся. Шкада, што некаторыя СМІ ладзяць шоў пад назвай „Дадон бяжыць з краіны!“» — сказаў ён.
Паводле вэрсіі сьледзтва, у пачатку 2008 году кіраўніцтва прадпрыемства Energocom, якое пастаўляе ў Малдову электраэнэргію, у змове з чыноўнікамі ды іншымі асобамі арганізавала злачынную схему. Неабгрунтавана павялічыўшы закупачную цану на электраэнэргію, яны прысвойвалі сабе розьніцу. Пракуроры лічаць, што гэтая розьніца склала амаль 12 мільёнаў даляраў.
ГЛЯДЗІЦЕ ТАКСАМА: «У Беларусі вы былі б экстрэмістам». Латушка напісаў экс-прэзыдэнту Малдовы Дадону, які сустракаўся з ЛукашэнкамБылы прэзыдэнт Ігар Дадон ёсьць лідэрам прарасейскай Партыі сацыялістаў. Крымінальную справу супраць яго завялі сёлета ў верасьні. Дадон раней заяўляў, што абвінавачаньні беспадстаўныя.