«Раёны, вуліцы». Чыжоўка — «спальны» раён Менску, дзе дваровыя маршы хадзілі па экалягічнай сьцежцы. ФОТА

Яшчэ ў пачатку 1960-х гадоў тут было некалькі вёсак, найбольшая зь якіх — Чыжоўка. Забудова паводле адзінага пляну пачалася ў 1964 годзе, а ў 1967 годзе зьявіліся першыя кварталы: Чыжоўка-1 і Чыжоўка-2.

Цяпер Чыжоўка складаецца зь сямі пранумараваных мікрараёнаў.

Тыповая забудова старой Чыжоўкі. Большая частка будынкаў мікрараёну — пяціпавярховыя панэльныя ці мураваныя дамы, якія будаваліся ў 1960-я гады.

Дзе-нідзе захаваўся прыватны сэктар.

Чыжоўскае вадасховішча забясьпечвае тэхнічнай вадой Менскую ЦЭЦ-3 і шаснаццаць прадпрыемстваў гораду.

У 2021 годзе на беразе вадасховішча зьявіўся абсталяваны пляж.

Да хакейнага чэмпіянату сьвету ў 2014 ў Чыжоўцы адкрылі лядовую арэну.

А таксама трохзоркавы гатэль «Арэна», які амаль увесь час стаіць пусты. На фота бачна, што гараць толькі 4 вакны.

У Чыжоўцы ёсьць некалькі крамаў мясцовай дзяржаўнай сеткі пад экзатычнай назвай ЗРПТ, якая абазначае „Заводской райпищеторг. 

У Чыжоўцы няма барбэршопаў, затое можна сустрэць шыльды «Цырульня» па-беларуску.

Пасьля таго як бізнэс Юрыя Чыжа прыйшоў у заняпад, на месца гіпэрмаркету Prostore прыйшоў Green. Тут на паркоўцы людзі пакідалі машыны, калі ішлі на летнія і восеньскія маршы 2020 году.

Чыжоўка славіцца творамі дваровага мастацтва ў стылі „жэс-арт“.

Традыцыйнае школьнае рыхтаваньне да навагодніх сьвятаў.

10-я лякарня, ці „дзясятка“. Зь лістападу 2020 году ўстанова перайшла на ковід-рэжым.

Беларуская дзяржаўная акадэмія авіяцыі, якую шмат хто ведае пад абрэвіятурай МАТУГА.

Пляцоўка каля ўваходу на экалягічную сьцежку, якой у 2020 годзе хадзілі дваровыя маршы.

Вуліца Ташкенцкая. Назва зьявілася ў 1966 годзе пасьля землятрусу ва Ўзбэкістане, калі цэнтар Ташкенту быў цалкам зруйнаваны. На гэтай вуліцы насупраць „Чыжоўка-Арэны“ людзі ў 2020 годзе ставалі ў „ланцугі салідарнасьці“.

Тутэйшы заапарк адкрыўся 9 жніўня 1984 году як Заабатанічны сад МАЗу. У 1997 годзе ён атрымаў статус Менскага заапарку.

Апусьцелае гняздо буслоў у Менскім заапарку.