Зонд Parker Solar Probe некалькі разоў уваходзіў у карону сонца і выходзіў зь яе. У NASA адзначылі, што адбыўся «гіганцкі скачок у сонечнай навуцы».
«Дакрананьне да самога рэчыва, зь якога зроблена Сонца, дапаможа навукоўцам атрымаць важную інфармацыю пра нашу найбліжэйшую зорку і яе ўплыў на Сонечную сыстэму».
.@NASA: Parker will continue to spiral closer to the Sun, eventually reaching as close as 8.86 solar radii (3.83 million miles) from the surface. Upcoming flybys, the next of which is happening in January 2022, will likely bring Parker Solar Probe through the corona again. pic.twitter.com/F7YfdMiYZC
— Pinky Rajpurohit (ABP News) 🇮🇳 (@Madrassan_Pinky) December 15, 2021
У 2019 годзе Parker Solar Probe выявіў, што магнітныя зігзагападобныя структуры ў сонечным ветры, якія называюцца «ўключальнікамі», знаходзяцца ў вялікай колькасьці побач з Сонцам. Але як і дзе яны ўтвараюцца, засталося загадкай. З тых часоў удвая скараціўшы адлегласьць да Сонца, Parker Solar Probe прайшоў дастаткова блізка, каб вызначыць адно месца, дзе яны бяруць пачатак: паверхню Сонца.
«Мы чакалі, што рана ці позна сутыкнемся з сонечнай каронай хаця б на кароткі час», — сказаў прафэсар Мічыганскага ўнівэрсытэту Джастын Каспэр.
Цяпер NASA абяцае праводзіць яшчэ большыя аблёты, каб працягваць зьбіраць дадзеныя аб зьявах, якія немагчыма вывучыць здалёк.
ГЛЯДЗІЦЕ ТАКСАМА: Кампанія Бэзаса адправіла ў субарбітальны палёт новых касьмічных турыстаў ГЛЯДЗІЦЕ ТАКСАМА: Папярэдзіць зьнішчэньне Зямлі: місія NASA сутыкнецца з астэроідам