«Выдатная навіна зь Лёндану: Вялікая Брытанія вылучыць дадатковы 1 мільярд фунтаў стэрлінгаў на падтрымку Ўкраіны. Гэта новыя інвэстыцыі, гандаль, бясьпека. У выніку маіх перамоваў з прэм’ер-міністрам Борысам Джонсанам агульная падтрымка брытанцаў павялічыцца да 3,5 мільярда фунтаў стэрлінгаў», — напісаў Зяленскі ў Twitter.
Чудові новини з Лондона: Велика Британія додатково виділить 1 млрд фунтів стерлінгів на підтримку України. Це нові інвестиції, торгівля, безпека. За підсумками моїх переговорів з @BorisJohnson торік розмір загальної британської підтримки збільшиться до 3,5 млрд фунтів.
— Володимир Зеленський (@ZelenskyyUa) December 8, 2021
7 сьнежня Палата прадстаўнікоў Кангрэсу ЗША прагаласавала за праект абароннага бюджэту ЗША на 2022 фінансавы год, які прадугледжвае 300 мільёнаў даляраў на дапамогу Ўкраіне. Гэтую суму, у прыватнасьці, плянуецца выдаткаваць на падтрымку ўкраінскіх узброеных сілаў.
Раней паведамлялася, што Ўкраіна атрымае зь Вялікай Брытаніі ракетнае ўзбраеньне і ваенныя караблі. Брытанія таксама гатовая даць крэдыт на будаўніцтва караблёў з супрацькарабельнымі ракетамі.