«Усё гэта — адвольная рэпрэсіўная рэакцыя ўладаў на мірную і адкрытую дзейнасьць па абароне, прасоўваньні і заахвочваньні правоў чалавека, у прыватнасьці — на валянтэрскую падтрымку праваабарончай дзейнасьці і назіраньне за выкананьнем стандартаў справядлівага правасудзьдзя. У сувязі з гэтым праваабаронцы „Вясны“ ўсьлед за ААН адзначаюць важную і прагрэсіўную ролю валянтэрства: добраахвотнікі ствараюць рух, арыентаваны на патрэбы людзей, з тым, каб дапамагчы будаваць лепшую будучыню для ўсіх нас», — гаворыцца ў заяве арганізацыі.
ГЛЯДЗІЦЕ ТАКСАМА: Адлічана з ВНУ праз палітыку, ляўрэатка міжнароднай прэміі. 10 фактаў пра праваабаронцу Марфу Рабкову, якой пагражае да 20 гадоў за кратаміПаводле праваабаронцаў, Крымінальна-працэсуальны кодэкс Беларусі абавязвае забясьпечыць адкрыты судовы разгляд крымінальных спраў. Выключэньні магчымыя толькі ў строгіх межах юрыдычных нормаў. У астатніх выпадках прысутныя ў адкрытым судовым пасяджэньні маюць права весьці пісьмовы запіс і гукапіс. Любыя абмежаваньні — адвольныя і незаконныя.
«Мы заяўляем пратэст у сувязі зь ціскам на арганізацыю, асуджаем парушэньне правоў чалавека ў якасьці інструмэнтаў узьдзеяньня на ўсе сэгмэнты грамадзянскай супольнасьці і пацьвярджаем гатовасьць працягваць мірную легітымную дзейнасьць па абароне і прасоўваньні правоў чалавека. Ніякія рэпрэсіі ня ў стане абмежаваць правамернае імкненьне да атрыманьня праўдзівай інфармацыі аб усіх баках жыцьця, ніякія праявы бессэнсоўнай жорсткасьці і самаўпраўнасьці не схаваюць рэакцыйныя мэтады барацьбы зь мірнымі пратэстамі і іншадумствам», — падсумоўваецца ў заяве арганізацыі.
Кіраўніца валянтэрскай службы Вясны Марфа Рабкова ўжо больш за 14 месяцаў за кратамі. За гэты час ёй некалькі разоў мянялі абвінавачаньне. Старшыня арганізацыі Алесь Бяляцкі і яе актывісты Леанід Судаленка, Валянцін Стэфановіч, Уладзімер Лабковіч таксама зьняволеныя.
ГЛЯДЗІЦЕ ТАКСАМА: Навіны палітвязьняў: Бяляцкі напісаў пра свой побыт у ВаладарцыПерасьлед Праваабарончага цэнтру «Вясна»
Па стане на 3 сакавіка 2024 году, за кратамі знаходзяцца 5 праваабаронцаў «Вясны».
- Алесь Бяляцкі, старшыня «Вясны», затрыманы 14 ліпеня 2021. Падчас ягонага зьняволеньня, 7 кастрычініка 2022 году, Алесю Бяляцкаму была прысуджаная Нобэлеўская прэмія міру. 3 сакавіка 2023 году яго асудзілі на 10 гадоў калёніі. Бяляцкага прызналі вінаватымі ў «кантрабандзе грошай арганізаванай групай» у 2016–2021 гадах (ч. 4 арт. 228 КК) і «фінансаваньні пратэстаў» у 2020-м (ч. 2 арт. 342 Крымінальнага кодэксу).
- Валянцін Стэфановіч, намесьнік старшыні «Вясны» і віцэ-прэзыдэнт FIDH, затрыманы 14 ліпеня 2021-га. 3 сакавіка 2023 году яго асудзілі на 9 гадоў зьняволеньня. Яго прызналі вінаватымі ў «кантрабандзе грошай арганізаванай групай» у 2016–2021 гадах (ч. 4 арт. 228 КК) і «фінансаваньні пратэстаў» у 2020-м (ч. 2 арт. 342 Крымінальнага кодэксу).
- Уладзімер Лабковіч, юрыст «Вясны», затрыманы 14 ліпеня 2021 г. 3 сакавіка 2023 году яго асудзілі на 7 гадоў зьняволеньня. Яго прызналі вінаватымі ў «кантрабандзе грошай арганізаванай групай» у 2016–2021 гадах (ч. 4 арт. 228 КК) і «фінансаваньні пратэстаў» у 2020-м (ч. 2 арт. 342 Крымінальнага кодэксу).
- Марфа Рабкова, праваабаронца «Вясны», затрыманая 17 верасьня 2020 году. Ёй прысудзілі 15 гадоў калёніі ва ўмовах агульнага рэжыму і штраф у памеры 700 базавых велічыняў (22 400 беларускіх рублёў, або звыш 8800 даляраў) паводле ч. 3 арт. 293 Крымінальнага кодэксу («навучаньне ці іншая падрыхтоўка асобаў для ўдзелу ў масавых беспарадках, альбо фінансаваньне такой дзейнасьці»), ч. 3 арт. 130 («распальваньне сацыяльнай варожасьці да ўлады») і ч. 2 арт. 285 КК («ўдзел у злачыннай арганізацыі»). 28 лютага 2023 году Вярхоўны суд Беларусі разгледзеў апэляцыйную скаргу ў справе Рабковай. Тэрмін зьняволеньня скарацілі на тры месяцы.
- Андрэй Чапюк, валянтэр «Вясны» зь Менску, затрыманы 2 кастрычніка 2020-га. Яго абвінавачвацілі ва ўдзеле ў масавых беспарадках і ўдзеле ў злачыннай арганізацыі. Чапюка асудзілі на 6 гадоў калёніі ва ўмовах узмоцненага рэжыму і пакаралі штрафам у памеры 500 базавых велічыняў (16 000 беларускіх рублёў ці больш за 6 300 даляраў);
Выйшлі на волю:
- Тацьцяна Ласіца, валянтэрка «Вясны» з Гомля, затрыманая 21 студзеня 2021. Паводле артыкулу аб масавых беспарадках за кратамі прабыла 1 год і 8 месяцаў. Праваабаронца не адбыла ўвесь тэрмін.
- Леанід Судаленка, дырэктар гомельскага аддзяленьня «Вясны», затрыманы 18 студзеня 2021-га. Паводле артыкулу аб масавых беспарадках яго пакаралі на 3 гады зьняволеньня. Выйшаў на волю. адбыўшы ўвесь тэрмін.