Холдынг USM мільярдэра Алішэра Ўсманава прадаў кантрольны пакет кампаніі, якая кантралюе акцыі VK (былая Mail.ru Group), страхавой групе «Согаз». Яе найбуйнейшыя ўладальнікі — сябар Уладзіміра Пуціна Юрый Кавальчук і яго сям’я, пляменьнік Пуціна Міхаіл Шаломаў і «Газпром».
VK належыць найбуйнейшая сацыяльная сетка Расіі «УКантакце», «Аднакласьнікі», пошта mail.ru, сэрвіс дастаўкі «Самакат» і доля ў Delivery Club і і іншыя сэрвісы. Цана групы перавышае 4,5 мільярда долараў.
Сума зьдзелкі не раскрываецца.
Паводле справаздачнасьці кампаніі, сукупная выручка VK у трэцім квартале 2021 года вырасла на 19 працэнтаў у параўнаньні з аналягічным пэрыядам мінулага года і склала 30,41 мільярда рублёў. Найбольш холдынг зарабляў ад рэклямы і ад гульнявога бізнэсу.
ГЛЯДЗІЦЕ ТАКСАМА: Расьсьледаваньне: сваяк Пуціна мае паўмільярда даляраў, але не зусім уяўляе — адкуль ГЛЯДЗІЦЕ ТАКСАМА: Дачка Пуціна і малады мільярдэр