У Менскім гарадзкім судзе распачаўся судовы працэс над 20-гадовым палітзьняволеным Арцёмам Баярскім, які ўтрымліваецца за кратамі ўжо амаль дзевяць месяцаў.
Экс-студэнта другога курсу хімфака БДУ абвінавачваюць паводле двух артыкулаў Крымінальнага кодэкса: ч. 1 арт. 361-1 (стварэньне і кіраўніцтва экстрэмісцкім фарміраваньнем) і ч. 1 арт. 342 (арганізацыя і падрыхтоўка дзеяньняў, што груба парушаюць грамадзкі парадак, альбо актыўны ўдзел у іх). Як паведамляе «Вясна», Арцёму пагражае да сямі гадоў пазбаўленьня волі.
ГЛЯДЗІЦЕ ТАКСАМА: За вызваленьне Арцёма Баярскага падпісаліся 47 навукоўцаў Расейскай акадэміі навукНа пачатку судовага працэсу судзьдзя Алена Шылько па хадайніцтву пракурора вырашыла праводзіць судовае разьбіральніцтва па справе ў закрытым рэжыме, бо «ў матэрыялах справы маюцца зьвесткі аб інтымным баку жыцьця абвінавачанага, а таксама інфармацыя з тэлеграм-канала, прызнаная экстрэмісцкай».
ГЛЯДЗІЦЕ ТАКСАМА: Кашляе, рашае задачы, чытае Біблію. Як жыве былы студэнт БДУ Арцём Баярскі перад судом