Прэс-сакратарка Памежнай варты Польшчы Анна Міхальска паведаміла, што за мінулыя суткі ў краіну прыехалі 40 чалавек, якія зазналі рэпрэсій у Беларусі.
У той жа момант беларускія сілавікі па-ранейшаму пры спробах мігрантаў перасекчы мяжу з Польшчай дапамагаюць у гэтым. Акрамя лазэраў і страбаскопаў, якімі сьвяцілі ў вочы польскім вайскоўцам у мінулую ноч, зь беларускага боку ўключалі гімн Польшчы, каб, імаверна, выклікаць напружаньне і залішнія эмоцыі. Агулам жа ў спробе перасячэньня мяжы бралі ўдзел 230 чалавек. 7 чалавек з гэтай групы польскія памежнікі адправілі ў шпіталь, каб аказаць ім мэдычную дапамогу.
ГЛЯДЗІЦЕ ТАКСАМА: Мігранцкі крызіс: польскія памежнікі не дазволілі групе з 200 мігрантаў прарваць мяжуУ Бэрліне сёньня пачалася канфэрэнцыя з удзелам генэральнага сакратара NATO Енса Столтэнбэрга, прэзыдэнта і прэм’ер-міністра Польшчы Анджэя Дуды і Матэвуша Маравецкага. На ёй Столтэнбэрг запэўніў Польшчу ў падтрымцы, сказаўшы, што альянс стаіць поплеч з Варшавай у канфлікце з рэжымам Лукашэнкі. Таксама ў канфэрэнцыі бярэ ўдзел Ангела Мэркель, якая апошнія дні выконвае абавязкі канцлера Нямеччыны.
ГЛЯДЗІЦЕ ТАКСАМА: Мігранты правялі мітынг ля лягістычнага цэнтру ў «Брузгах». ФОТА ГЛЯДЗІЦЕ ТАКСАМА: ЗША падтрымалі Польшчу ў канфлікце з рэжымам Лукашэнкі ГЛЯДЗІЦЕ ТАКСАМА: За «падрыў рэгіянальнай стабільнасьці». У NATO расказалі, чаму разарвалі супрацоўніцтва зь Беларусьсю