Жонка Сяргея Ціханоўскага палітык Сьвятлана Ціханоўская сказала, што такім чынам яе муж паказаў, што ягоны голас ня ўдасца заглушыць. Ён паўтара года ў зьняволеньні, але ня страціў унутранай свабоды.
«Учора, калі я выступала з прамовай у Эўрапарлямэнце, у турме заканчвалася судзілішча, на якім мой муж прамаўляў сваё „апошняе слова“. Мае словы чуў увесь сьвет, словы Сяргея ня чуў ніхто. Вось што такое быць палітвязьнем і лідэрам для людзей у Беларусі. Але Сяргей Ціханоўскі ня быў бы сабой, калі б не знайшоў выйсьце нават з такой спробы кінуць ягонае імя і голас у нябыт».
Сьвятлана Ціханоўская адзначае, што муж разумее, што ён і тысячы іншых людзей сядзяць у турмах безь віны. Барацьба за дэмакратыю павінна працягвацца, гэтаму і прысьвечана песьня.
ГЛЯДЗІЦЕ ТАКСАМА: Прысуд Ціханоўскаму, Статкевічу, Лосіку абвесьцяць 14 сьнежня ГЛЯДЗІЦЕ ТАКСАМА: «Такія вось „дзіравыя“ санкцыі». Інтэрвію Сьвятланы Ціханоўскай пасьля яе выступу ў ЭўрапарлямэнцеЗатрыманьне Ціханоўскага і яго прыхільнікаў. Што трэба ведаць
- Сяргей Ціханоўскі — відэаблогер, аўтар Youtube-каналу «Страна для жизни». Зьбіраўся балятавацца ў прэзыдэнты на выбарах 2020 году, але ягонай ініцыятыўнай групе адмовілі ў рэгістрацыі, калі ён быў у зьняволеньні. Але зарэгістравалі групу ягонай жонкі Сьвятланы Ціханоўскай, блогер стаў кіраўніком гэтай групы.
- У Горадні а 20-й гадзіне 29 траўня Сяргея Ціханоўскага затрымалі супрацоўнікі АМАПУ падчас перадвыбарчага пікету за вылучэньне ў прэзыдэнты ягонай жонкі. Абставіны затрыманьня нагадвалі тыя, пра якія раней казаў Лукашэнка.
- Гэта адбылося пасьля таго, як невядомая жанчына, якую сьведкі называлі правакатаркай, кідалася на блогера і спрабавала трымаць яго за вопратку. Яна патрабавала, каб Ціханоўскі адказаў, чаму ў Горадні няма яго жонкі. Ціханоўскі намагаўся сысьці ад жанчыны — зьявілася міліцыя.
- Літаральна праз паўхвіліны прыбеглі супрацоўнікі АМАП і затрымалі Сяргея Ціханоўскага, які знаходзіўся за некалькіх мэтраў ад эпіцэнтру. Пазьней затрымалі таксама шэраг паплечнікаў Ціханоўскага. МУС паведаміла пра крымінальную справу за «гвалт супраць міліцыянтаў».
- На лецішчы Ціханоўскага нібыта знайшлі 900 тысяч даляраў. Жонка мяркуе, грошы маглі падкінуць.
- Ціханоўскага трымаюць за кратамі з 29 траўня 2020 году. Яго абвінавачваюць паводле чатырох артыкулаў Крымінальнага кодэксу:
ч. 1 арт. 293 (арганізацыя масавых беспарадкаў, да 15 гадоў зьняволеньня).
ч. 3 арт. 130 (распальваньне сацыяльнай варожасьці);
ч. 2 арт. 191 (перашкода працы ЦВК). Заяву на яго падала старшыня ЦВК Лідзія Ярмошына;
ч. 1 арт. 342 (арганізацыя дзеяньняў, што груба парушаюць грамадзкі парадак).
- Беларускія праваабаронцы прызналі Ціханоўскага палітычным зьняволеным.
- ПА АБСЭ і Эўрапарлямэнт патрабавалі вызваленьня Ціханоўскага, Статкевіча і іх паплечнікаў.