Спэцыялізаваны сайт banki24.by адзначае, што, паводле афіцыйнай статыстыкі, сёлета за 9 месяцаў памер крэдыторскай запазычанасьці прадпрыемстваў Беларусі вырас на 10%. Гэта амаль столькі ж, колькі за ўвесь 2019 год. У 2018-м лічба была на ўзроўні 8%.
Крэдыторская запазычанасьць — абавязаньні кампаній перад партнэрамі за пастаўленую прадукцыю, аказаныя паслугі і выкананыя работы. Сюды таксама ўваходзяць даўгі па заробках і выплатах у бюджэт.
ГЛЯДЗІЦЕ ТАКСАМА: Палова зьнешняга доўгу — перад Расеяй. Колькі Беларусь вінная і чым гэта кепскаБольш за ўсё завінаваціліся крэдыторам прадпрыемствы Менску — 22 мільярды рублёў. Найхутчэй даўгі нарошчвалі ў Горадзенскай вобласьці, дзе крэдыторская запазычанасьць павялічылася на 60%, да 8 мільярдаў рублёў.
ГЛЯДЗІЦЕ ТАКСАМА: Прыбытак упаў у 12 разоў. Што на заводах, дзе год таму пачыналіся пратэстыСярод галін эканомікі самую буйную крэдыторскую запазычанасьць дэманструе прамысловасьць — 28 мільярдаў рублёў, або плюс 16% да пачатку году. Антылідэрамі тут прадпрыемствы апрацоўчай галіны, на долю якіх прыпадае больш за 22 мільярды даўгоў.