Дзяржсакратар ЗША Энтоні Блінкен меў тэлефонную гутарку зь міністрам замежных справаў Польшчы Зьбігневам Раў.
Пра гэта Блінкен напісаў у сваім Твітэры.
Spoke yesterday with Polish Foreign Minister Rau to reaffirm our solidarity in the face of Lukashenka’s hybrid campaign on the Poland-Belarus border, which seeks to threaten security, sow division, and distract from Russia’s activities on the border with Ukraine.
— Secretary Antony Blinken (@SecBlinken) November 14, 2021
Учора я размаўляў зь міністрам замежных справаў Польшчы Раў, каб пацьвердзіць нашу салідарнасьць перад гібрыднай кампаніяй Лукашэнкі на мяжы Польшчы і Беларусі, якая імкнецца паставіць пад пагрозу бясьпеку, пасеяць раскол і адцягнуць увагу ад дзеяньняў Расеі на мяжы з Украінай.
Як паведаміў прэсавы сакратар дзярждэпартамэнту Нэд Прайс, дзяржсакратар пацьвердзіў падтрымку Злучанымі Штатамі Польшчы перад тварам цынічнай эксплюатацыі ўразьлівых мігрантаў рэжымам Лукашэнкі.
Блінкен і Раў рашуча асудзілі інструмэнталізацыю мігрантаў і заклікалі Лукашэнку ліквідаваць асноўныя прычыны санкцыяў, уведзеных Захадам — парушэньні правоў чалавека і асноўных свабодаў беларускага народу.
Блінкен таксама выказаў глыбокую ўдзячнасьць Польшчы за падтрымку сувэрэнітэту і тэрытарыяльнай цэласьці Ўкраіны. Злучаныя Штаты, Польшча і іншыя саюзьнікі і партнэры адзіныя ў тым, каб прымусіць Маскву да значных выдаткаў за яе ваенную агрэсію і зламысную дзейнасьць у рэгіёне.