«Працягнута абмеркаваньне сытуацыі на межах Беларусі з краінамі Эўразьвязу. Пацьверджана важнасьць больш хуткага ўрэгуляваньня ўзьніклага вострага міграцыйнага крызісу — у адпаведнасьці зь міжнароднымі гуманітарнымі нормамі», — цытуе паведамленьне Інтэрфакс-Захад.
Як зазначаюць у прэс-службе, Пуцін «выказаўся на карысьць аднаўленьня кантактаў паміж дзяржавамі ЭЗ і Беларусьсю ў мэтах вырашэньня гэтай праблемы».
Напярэдадні Пуцін і Мэркель правялі тэлефонную размову, падчас якой абмяркоўваўся, сярод іншага, міграцыйны крызіс на мяжы Беларусі з краінамі ЭЗ. Пасьля гэтага СМІ паведамілі пра тое, што Мэркель запрасіла яшчэ адзін тэлефонны званок Пуціну.
Як паведаміў напярэдадні афіцыйны прадстаўнік ураду Нямеччыны Штэфэн Зайбэрт, Мэркель у размове з Пуціным у сераду папрасіла Пуціна паўплываць на Менск у сувязі з сытуацыяй зь бежанцамі на беларускай мяжы. «Размова ішла пра актуальную сытуацыю на беларуска-польскай мяжы. Канцлер падкрэсьліла, што выкарыстаньне беларускім рэжымам мігрантаў супраць Эўрапейскага Зьвязу — бесчалавечнае і зусім непрымальнае, і папрасіла расейскага прэзыдэнта паўплываць на рэжым у Менску», — паведаміў Зайбэрт.
«Паводле ацэнкі нямецкага ўраду, расейскі ўрад мае пэўны ўплыў на беларускі рэжым, на беларускі ўрад. Перамовы з прэзыдэнтам Пуціным — гэта перамовы з тым, да каго прыслухоўваюцца ў Менску», — сказаў Зайбэрт журналістам у Бэрліне ў сераду.