Кіраўніца Эўракамісіі Ўрсуля фон дэр Ляен сёньня праводзіць сустрэчу з прэзыдэнтам ЗША Джозэфам Байдэнам. Сярод тэмаў размовы — сытуацыя на беларуска-польскай мяжы.
Пра гэта паведамляе выданьне Thefirstnews.
- Днямі Ўрсуля фон дэр Ляен зрабіла заяву пра сытуацыю на мяжы Беларусі і Польшчы. Яна адзначыла: «Беларускія ўлады павінны зразумець, што ціск на Эўрапейскі Зьвяз такім чынам, праз цынічную інструмэнталізацыю мігрантаў, не дапаможа ім дасягнуць сваіх мэтаў».
- Ўрсуля фон дэр Ляен таксама заклікала краіны — сябры Эўразьвязу «ўрэшце ўхваліць пашыраны рэжым санкцыяў супраць беларускіх уладаў, адказных за гэтыя атакі».