У Фонд сацыяльнай абароны насельніцтва сплачваюцца абавязковыя страхавыя ўнёскі, адлічэньні на прафэсійнае пэнсійнае страхаваньне і шэраг іншых плацяжоў.
ГЛЯДЗІЦЕ ТАКСАМА: «Кібэрпартызаны» ўзламалі сэрвэр зь відэазапісамі МУС на леташніх маршах пратэсту. ВІДЭАГрупоўка, якая называе сябе «кібэрпартызанамі», абнародавала выпіскі з базы на высокапастаўленых чыноўнікаў. Акрамя імя і прозьвішча, там указваецца ўзрост, адрас, нумар пашпарта і ідэнтыфікацыйны нумар, месца працы, сума выплачаных падаткаў.
У прыватнасьці, выкладзеныя зьвесткі на Лукашэнкаву прэсавую сакратарку Натальлю Эйсмант, кіраўніка БТ Івана Эйсманта, прапагандыста Рыгора Азаронка, бізнэсоўца з санкцыйнага сьпісу Аляксандра Шакуціна ды іншых.
ГЛЯДЗІЦЕ ТАКСАМА: «Кібэрпартызаны» апублікавалі размовы афіцэраў МУС пра ўмовы для зьняволеных паводле «палітычных» артыкулаўРаней хакеры заяўлялі пра ўзлом інфармацыйнай сыстэмы «Пашпарт», базы ДАІ і іншых падразьдзяленьняў МУС, уключна з архівам праслухоўваньня службы ўласнай бясьпекі і базы запісаў апэратыўных дронаў.
У адказ на масавы зьліў інфармацыі ўлады заявілі пра стварэньне Нацыянальнага цэнтру абароны пэрсанальных зьвестак.