Больш за ўсё сьмяротных зыходаў за апошнія суткі традыцыйна зафіксавана ў Маскве (93) і Санкт-Пецярбургу (76). За апошнія суткі на максымумы з пачатку пандэміі выйшлі акупаваны Крым(18) і Татарстан(15).
У сталіцы Ўкраіны Кіеве зафіксавалі рэкордны рост COVID-выпадкаў. За суткі 28 кастрычніка зафіксавана 1616 новых выпадкаў каранавірусу, гэта самы вялікі сутачны прырост з красавіка. Памерлі 46 чалавек, паведаміў мэр Віталь Клічко.
З 1 лістапада ў Кіеве набудуць моц максымальна строгія правілы карантыну. Выходзіць на працу, наведваць крамы, рэстарацыі, кінатэатры, спартзалы і іншыя людныя месцы, карыстацца грамадзкім транспартам змогуць толькі тыя, хто вакцынаваўся і мае адмоўны ПЦР-тэст.
Ва Ўкраіне гэтыя меры назвалі «локдаўнам невакцынаваных».
ГЛЯДЗІЦЕ ТАКСАМА: Колькасьць памерлых ад каранавірусу ў сьвеце перавысіла 5 млн ГЛЯДЗІЦЕ ТАКСАМА: У Маскве і Маскоўскай вобласьці пачаўся локдаўн з прычыны каранавірусу