Кампанія Facebook памяняе назву на Мeta і аб’яднае свае аплікацыі і тэхналёгіі пад адным брэндам. Пра гэта заявіў кіраўнік кампаніі Марк Цукербэрг падчас віртуальнай канфэрэнцыі.
Пры гэтым карпарацыйная структура кампаніі ня зьменіцца. Паводле Цукербэрга, якога цытуе Reuters, зьмена назвы адлюстроўвае фокус кампаніі на стварэньні «мэтасьвету» — metaverse.
Гэты тэрмін зьявіўся ў рамане-антыўтопіі Ніла Стывэнсана Snow Crash (Сьнежная лявіна). Ён мае на ўвазе агульнае віртуальнае асяродзьдзе, да якога будуць мець доступ людзі з дапамогай розных тэхнічных прыладаў.
Пры гэтым назва сацыяльнай сеткі застанецца нязьменнай.
ГЛЯДЗІЦЕ ТАКСАМА: Facebook заблякаваў форумы, якія спрыялі міграцыі празь Беларусь ГЛЯДЗІЦЕ ТАКСАМА: Цукербэрг: расьсьледаваньне аб праблемах Facebook — паклёп ГЛЯДЗІЦЕ ТАКСАМА: Былая супрацоўніца Фэйсбука раскрытыкавала сацсетку ў Кангрэсе ЗША